အားလုံးလည်း ကြားဖူးနားဝရှိကြမယ်လို့ ယုံကြည်ပါတယ်။ ဘာတွေလဲ ဘာအကြောင်းအရာလဲ ဆိုတာကိုယ် ပိုင်ခေါင်းနဲ့ အရင်ဦးဆုံး မရ ရအောင် စဉ်းစားစေချင်သေးတယ်။ ကြားလည်း ရိုးအီနေအောင် ခေတ်ဆန်ဆန်ပြောရလျှင် ´´အမုန်းပဲ´´ ကြားဖူးကြပါပြီ။ ပဟေဠိလုပ်နေတယ် ပဟေဠိထုတ်နေတယ်လို့လည်း မထင်နဲ့နော်။ ပဟေဠိနန်းတော်လို ရုပ်မြင်သံကြားသတင်းဋ္ဌာနမှာ ထုတ်လွင့်နေတာမဟုတ်လို့ပဲပေါ့။ အဲဒါကြောင့် ပဟေဠိထုတ်တယ်လို့မထင်စေချင်တာပါ ။
ကဲဗျာစိတ်မရှည်ချင်တော့ဘူး စလိုက်ရအောင် ဆိုပြီးကာမှပဲ စိတ်တော့မရှည်တတ်ပေမဲ့ လေရှည် ချင်တဲ့ဝါသနာက ဒို့မြန်မာတွေရဲ့ မိရိုးဖာလာဖြစ်နေလေတော့ ခွန်းတုံးလေးပေးလိုက်ရသေးတယ်။ ဘ၀င် ခိုက်အောင် နိဒါန်းဆောင်နိုင်မှ ပွဲကလှတဲ့ သာဓကတွေကလည်း ဒို့မြန်မာနိုင်ငံမှာ တစ်ခေတ် ရှေ့ပြေး တာ ကော။ ကဲဗျာ နားပူမျက်လုံးစပ်နေလောက်ပြီထင်တယ်။
ဆိုလိုချင်တာက ´စေတနာဟာ လူတိုင်းနဲ့မတန်ဘူး´´ ဆိုတာပါပဲဗျာ။ ဟုတ်တယ်နော်ကြားဖူးနေပြီးသားပါ။ လောကမှာ လှုပ်ရှားသွားလာရင်းနဲ့ လူမှုရေး စီးပွားရေး ကြီးပွားရေး စတဲ့ခေါင်းစဉ်ကြီးသုံးခုအောက်မှာ alculator screen မျက်နှာပြင်ပေါ်မှာ မဆံ့ လောက်နိုင်လောက်အောင် ပင်လျှင် အရေးပေါင်းများစွာ ဖြာထွက်လာသေးတယ်ကောနော်။ ယင်းအရေးပေါင်းများစွာကြောင့် လူတွေ ဟာ ပေါင်းသင်းဆက်ဆံကြရတယ် ဖေးမကူညီကြရတယ် ထောက်ပံ့ကြရတယ် ပေးကမ်းကြရတယ်လို့ပဲ အကြမ်းဖျင်းအားဖြင့် ဆိုလိုက်မယ်လေ။ ဒီစကားလုံးကို မြင်သာထင်သာအောင် အလွယ်ကူဆုံးနဲ့ အရှင်းဆုံး ကိုပဲ သာဓကအနေနဲ့ မမာဆောင်ကြည်းကြတာပေါ့။
ဥပမာထားပါတော့ ကိုယ့်အခင်ဆုံး ကိုယ်အချစ်ဆုံး ပြောမနာဆိုမနာ သူငယ်ချင်း သို့မဟုတ် ချစ်ကျွမ်းဝင်သူတစ်ယောက်ယောက်ကို အထက်ကအရေးတွေကြောင့် စေတနာရှိလို့ ကူညီလိုက် တယ်ပေါ့။ ကိုယ်ကူညီခဲ့တဲ့ လူတစ်ယောက်ဟာ တစ်နေ့ကျတော့ ကိုယ်နဲ့မဆိုင်တဲ့အလုပ်တွေကို လုပ်မယ်။ မဆိုင်တဲ့အပြောတွေပြောမယ်။ ထင်ရာစိုင်းနေမယ်။ အောင်မြင်သွားတဲ့အချိန်မှာ မတူမတန်ပြန်ပြီးဆက်ဆံ တယ်။ စသည် စသည်တွေ ပြန်လည်ကြုံတွေ့နေရလျှင် အဲသည်လိုအချိန်မျိုးမှာ စေတနာဟာ လူတိုင်းနဲ့မတန်ဘူးလို့ သုံးလာကြပါတယ်။ တစ်ကယ့်တစ်ကယ် နဖူးပေါ်မှာ ဒူးတင်ပြီး စဉ်းစားပြီး တွေးလျှင် တော့ဖြင့် မှန်နေသလိုလို။ ဒါပေမဲ့ဟာ နဖူးပေါ်မှာ ဒူးမတင်ပဲနဲ့ လက်တင်ပြီးစဉ်းစားပြီး ဥာဏ်နဲ့နှုိင်ယှဉ် လိုက်တဲ့အခါမှာကြတော့ မှန်သလိုလိုနဲ့မှားနေတယ်ဆိုတာ အတိအကျကို အဖြေထုတ်ရမှာပါ။ ဟုတ်တယ် နော် လူပင်မဆိုထားဘိ လောကသတ္တ၀ါအား နောက်ဆုံးအနေနဲ့ ပုရွက်ဆိပ်ကိုတောင် ကူညီသင့် တာတွေချည်းပါပဲ ဆိုတာ ယူတို့မငြင်းလောက်ဘူးထင်တယ်။ ကူညီသင့်တဲ့လူ သတ္တ၀ါတွေကို ကူညီသင့် တဲ့ အရာဆိုပြီးမှ ကူညီခဲ့ခြင်းဖြင့် ဘာကြောင်းများ ´` စေတနာနဲ့မတန်ဘူးလို့´´ ဆိုရက်လိုက်ပြန်လေတကား။ အံသြလို့ မဆုံးဘောင် တောသုံးထောင်ဆိုတဲ့ စာဆိုအတိုင်းပါပဲ။ အမှန်တော့ စေတနာဟာ လူတိုင်းနဲ့ မတန်တာ မဟုတ်ပါဘူး ။ လူတိုင်းအပေါ်မှာ စေတနာတို့ စာနာမှုတို့ ကင်းမဲ့နေရခြင်းရဲ့တရားခံပါပဲ။ အားလုံးပဲ ကိုယ်ဟာကို ပြန်လည်စဉ်းစားကြည့်ပေါ့ ´´ လူတိုင်းဟာ စေတနာနဲ့မတန်းဘူး´´ ဆိုတာလား ငါဟာ လူတိုင်းအပေါ်မှာ စေတနာမထားတတ်တာလား ပေါ့။ လူတိုင်းဟာစေတနာနဲ့မတန်ဘူးလို့ပြစ်တင်ဝေဖန်ပြောဆိုသုံးနှုံးခံယူရမဲ့အစား လူတိုင်းအပေါ်မှာ စေတနာထားတတ်အောင် လေ့ကျင့်ပျိုး ထောင် ကြပါလို့ တိုက်တွန်းရင်း။
ဒေါင်းမင်းညို။
No comments:
Post a Comment